Virðisaukaskattur

Á Íslandi bera fjárfestingamálmar 24% virðisaukaskatt alveg eins og skartgripir. Það er enginn munur gerður á eðalmálminnihaldi samkvæmt íslenskum skattyfirvöldum. Ísland er sennilega eina eða a.m.k. eitt af fáum löndum í Evrópu sem gerir ekki þennan greinarmun. Evrópusambandslöndin innheimta ekki virðisaukaskatt af fjárfestingargulli, hvort sem um mynt eða stangir er að ræða, en af silfri, platínu og palladíum er innheimtur virðisaukaskattur. Gull er þar eini málmurinn sem er undanþeginn virðisaukaskatti ef það er af tilgreindum hreinleika í formi stanga eða mynta.

Þannig að þegar gull og aðrir eðalmálmar eru keyptir í gegnum vefverslun Gullmarkaðarins þá er alltaf innheimtur virðisaukaskattur þegar afhending er á Íslandi og er hann greiddur við pöntun. Þegar gull er keypt í gegnum Auvesta Edelmetalle AG þá greiðist virðisaukaskattur við landamæri Íslands, þegar og ef viðkomandi kaupandi lætur senda sér gullið eða sækir það og flytur gullið sjálfur til landsins.